Boring na ba ang mga araw-araw mong gawain? At ang mga paulit-ulit na pangyayari sa buhay mo bawat araw? Hindi ka ba makapaghintay na marating ang pangarap at ang mga matatayog na hangarin mo para sa kinabukasan? Sabi ng Panginoon sa atin, medyo mag-isip-isip (Lk 16:10).
Dahil iyong mga maliliit na bagay sa buhay ay mahalaga sa langit. Iyong nakababagot na gawain araw-araw ay landas patungo sa kaligtasan. Ang mga ito ang simula ng bukas na higit pa sa inaasahan. Sabi ng Panginoon: ang sinumang matapat sa maliliit na bagay ay magiging matapat din sa malalaking bagay. Ang mapagkakatiwalaan sa maliliit at karapat-dapat sa tagumpay at kaganapan ng buhay.
Kaya nga, ang gawain mo sa bahay para sa asawa at mga anak, ang pag-aaral ng lesson sa iskul, ang pagpasok sa trabaho na may sigla, ang pagmamahal sa mga atas na dapat gawin ngayon – maaaring para sa iba ay maliit, mahirap, walang halaga pero sa Panginoon ito ang tanda ng katapatan at pagmamahal na hinahanap niya sa atin.
Higit pa diyan, ang mga maliliit na bagay ang nais ng Diyos na ialay natin sa kanya bilang handog. Tandaan nating si Santa Teresita ng Lisieux ay tapat na laging nakangiti sa mga nakapaligid sa kanya maghapon. Si Mother Teresa ng Calcutta, na pinakabagong santa natin, ay laging huminto upang kausapin at pansinin ang mga taong mahina at dukha. Si Hidilyn Diaz, na Pinoy champion sa Rio Olympics, ay hindi dating kilala pero tahimik na nag ensayo sa kanilang bahay sa Zamboanga.
Ang ginagawa mo ba ay tila maliit at walang halaga? Simulan mo kayang ialay ito sa Panginoon at sa kapwa mo nang may pag-ibig upang magamit ito ng Diyos para sa kinabukasang higit pa sa iyong inaasahan?
Sa puso ng katuruang Kristiyano ay ang paniniwala sa muling pagbabalik ng Panginoong Hesukristo, sa panahong siya lamang ang nakaaalam. Pagbabalik niya, hindi ito paglalahad ng kapangyarihan. Sa halip, isang malalim na pagninilay sa…
At the core of our Christian faith is the belief that our Lord Jesus Christ will come again, at a time known only to him. When he comes, it will not simply be a…
Madalas na nating marinig na walang paborito ang Diyos. At ang Mabuting Balita ngayon ay patunay dito. Sa talinghaga, sinabi ng Panginong Hesus na lahat ng tauhan ay nakatanggap ng salapi… subalit ayon sa…
Read more 2 min read
Need a prayer?
a prayer request
Let us pray for you.
For yourself, a loved one, or someone who is sick or has passed. Father will remember it in prayer and at Mass.
Your prayer request has been sent.
Father will remember your intention in prayer and at Mass.