KAY SAN BLAS PARA SA KARAMDAMAN NG LALAMUNAN (THROAT PROBLEMS) AT IBA PANG KARAMDAMAN
Mahal na San Blas
Pastol na mapagmahal sa mga kaluluwa
Inako mo ang mabibigat na krus ng buhay
Bilang matapat na pagsunod kay Hesus.
Gayundin tulad Niya, buong awa at habag
Na pinagaling mo ang mga nagdurusa.
Pagkatapos ng maraming pahirap
Ng iyong mga kaaway,
pumanaw ka bilang martir para sa Panginoon.
Ipagkaloob mo po sa akin ang
Kagalingang ito na aking hinihiling
Para sa sakit ng lalamunan at iba pang karamdaman
(banggitin ang kahilingan)
kung ito ay ayon sa kalooban ng Diyos.
Amen.
