PANALANGIN LABAN SA DEPRESSION AT SA TUKSO NG SUICIDE
DIYOS NA TAGAPAGLIGTAS AT LAKAS NG AKING BUHAY
ALAM KONG HINDI MO AKO INIIWAN SA MGA PAGSUBOK NG BUHAY NA ITO
AT HINDI MO AKO PABABAYAAN SA SANDALI NG KAMATAYAN.
PAKINGGAN MO PO ANG AKING PANALANGIN AT GAYUNDIN
NG LAHAT NG MGA TAONG NANGHIHINA ANG LOOB
DAHIL TILA NABABALOT NG KADILIMAN ANG BAWAT ARAW
AT TILA KAPOS ANG PAG-ASA SA KINABUKASAN.
PATINGKARIN MO MULI SA AKING PUSO ANG ESPIRITUNG NAGPAPALAKAS
DAHIL NANANALIG AKO NA WALANG ANUMAN SA MUNDONG ITO NA
MAKAPAGHIHIWALAY SA AKIN SA PAG-IBIG MO
SA PAMAMAGITAN NI HESUKRISTONG ANAK MO. AMEN.
…………
PANGINOON, AKING PAG-ASA
DALA KO SA HARAPAN MO ANG PAGKABULABOG,
DALAMHATI AT KAGULUHAN NG PUSO.
TULUNGAN MO PO AKONG MAKASUMPONG NG KAPAYAPAAN
DAHIL ALAM KONG MAHABAGIN KA AT
MAPAGMAHAL SA IYONG MGA ANAK.
BIGYAN MO PO AKO NG LIWANAG SA GITNA NG AKING KADILIMAN
SA TULONG NG TIYAK MONG PAGMAMAHAL SA AKIN
SA PAMAMAGITAN NI HESUKRISTONG ANAK MO. AMEN.
……
MAAWAING DIYOS,
DINGGIN MO ANG HIKBI KO
SA GITNA NG AKING DALAMHATI,
DAHIL IKAW ANG NAKABABATID NG PAGHIHIRAP NG AKING PUSO.
LAMPAS ITO SA AKING PANG-UNAWA NGAYON
AT HINDI KO KAKAYANING MAG-ISA
KUNG WALA KA SA AKING PILING.
SAMAHAN MO AKO AT ALALAYAN
PANGINOONG HESUKRISTO. AMEN.
–>
