MOTHERS’ DAY SA LANGIT
Di man makita o marinig kaya
O mabanaag ngiting kayganda,
Patuloy na ka-agapay tuwina
Tulad ng dati lagi mong gawa.
Nakinig sa bawat kong balita
Pinunasan patak ng luha;
Yakap na nagpakalma
Takot ko’y pilit inunawa.
Nga lang at hindi makita ng mata
O mamasdan maamo mong mukha,
Kung sa dalangin naman tawagin ka
May tugon sa paraang mahiwaga.
Pagmamahal mo patuloy nadarama
Tinig mo’y buhay sa aking gunita.
Sa mundo, Ina, ikaw man namayapa,
Nakaukit sa puso dulot mong ligaya.
(adapted from English, Irene Connor)
